Juillet 2025

mercredi 30 juillet 2025

East Africa Green Federation (EAGF) regional countries have selected Rwanda as the new home for a proposed fully-fledged headquarters project that will help coordinate operations in the region and attract business. The decision was taken during an East Africa Green Federation (EAGF) Congress held in Kigali on July 26, 2025, chaired by Democratic Green Party of Rwanda (DGPR) President Dr. Frank Habineza (also EAGF Chairman) and attended by delegations from Uganda, Kenya, Sudan, Burundi, Somalia, and hosts Rwanda. This idea was conceived and tabled by Somalia’s Green Party representative and Minister of State Public Works, Said Mohamed Mohamoud, who said that this concept came to him as a dream while spending a night in Kigali. “If you want to dream big ideas, it is only in Kigali. The city is clean, safe, and secure, enabling me to dream big for the Green Party Federation to have a headquarters in such a place of big dreams,” Mohamoud said. This idea was backed by the federation member states, but it had to be debated for its feasibility, practicability, and legal implications, considering that Kenya and Uganda had also submitted their bids to host the headquarters, with the latter pledging an office building as Uganda has temporarily hosted the head office for the last few years. However, Mohamoud said that the choice of Rwanda was undebatable for many reasons and stated that it is a timely move to represent the growth of the Greens in the region. “We think it is the right time to have a headquarters that represents us, and it has to be in Rwanda. If the budget cost is, for example, $200,000, all of us should contribute and maybe ask donors or other green parties to assist us,” Mohamoud said. The Ecological Party of Uganda President, Charles Barry Lwanga, who had offered a space for the head office, consented that there is no topic of discussion and pulled out in favor of Rwanda, stating that the country is fit despite the contest to host the HQ. Charles Barry Lwanga Rwanda’s Take: The Rwandan side backed the proposal and said that this will enhance its accordance with the green growth agenda in Rwanda, and they will be able to push the acquisition of some of the requirements, including soliciting land in the city or in Bugesera district, which is closer to Kigali. Dr. Frank Habineza committed to expediting the project on behalf of the Green Party of Rwanda. “We would like to accept that the HQ will be hosted in Rwanda, and with the construction of Bugesera International Airport, we can even find land in Bugesera,” he said. Dr. Frank Habineza In the meantime, Habineza said that they will temporarily use one of the four party offices to host the federation’s HQ as a way to kick-start the process and coordinate activities of seeking land and other logistical needs. Project Feasibility: Habineza said that with the opening of the Kigali International Financial Center and Rwanda having a visa-free entry policy, revision of laws to allow international organizations to establish a base in Rwanda, among others, will enable the project implementation. “Rwanda has opened up to the world and is willing to receive. So, this is another good motivation to have the federation headquarters in Kigali,” he said. DGPR Commissioner for Economic Affairs, Leonard Gashugi, said, “This is a good time to have Rwanda host the HQ considering the good leadership of President Kagame and Green Party leader Dr. Habineza. We can make this plan happen.” “This is a timely choice to take since many international organizations are now coming to Rwanda,” he said. DGPR Secretary-General, MP Jean Claude Ntezimana, also noted that having a head office will enable the federation to move further in terms of politics, financially, and capacity in the country, region, and beyond. Ntezimana added that having Dr. Habineza as head of the federation for the second time will enable him to use his experience to support the EAGF in implementing this project. The congress discussed issues of membership, financial contributions, adopted changes of names for some Green Party member states, such as the Ecological Party of Uganda to Green Forum Uganda, and amendments to the constitution to allow the headquarters officially moved from Uganda to Rwanda. Green Party reps from Burundi, Kenya

mercredi 30 juillet 2025

Amashyaka afite amahame mu kurengera ibidukikije yo mu bihugu bigize Umuryango wa Afurika y Iburasirazuba (EAGF), yemeje ko Icyicaro Gikuru cyayo cyabaga muri Uganda cyihavanwa kikimurirwa mu Rwanda. EAGF yabyemereje mu nama yayo izwi nka Eastern African Greens Congress iri kubera i Kigali. Iyi nama y iminsi ibiri yitabiriwe n amashyaka ya Green Parties yo mu bihugu by u Rwanda, Kenya, Uganda, u Burundi na Somalia; ikaba iri kwiga kuri gahunda y imikorere y aya mashyaka mu myaka itanu iri imbere. Umuyobozi w Ishyaka Riharanira Demukarasi no Kurengera Ibidukikije mu Rwanda (DGPR) ari na we uyoboye EAGF, Dr. Frank Habineza, yabwiye itangazamakuru ko kuba Icyicaro Gikuru cy ariya mashyaka kigiye kuza mu Rwanda hari inyungu bifite ku gihugu. Ati: Tuzabyungukiramo cyane kubera ko ubu igihugu cyacu cy u Rwanda kimaze gushyiraho umurongo ufatika w uko cyakira inama mpuzamahanga, turumva rero bizafasha Leta y u Rwanda kujya yakira inama mpuzamahanga hano mu Rwanda, kandi iyo habaye inama mpuzamahanga hari amadevize aza mu gihugu, amadorali n ibindi byose. Urumva rero ko iyo byinjiye mu gihugu amahoteli abona amafaranga, urumva ko biba byiyongeye ku bukungu bw igihugu. Yakomeje agira ati: Icya kabiri bemeje ko twashaka icyicaro gihoraho, twemeje ko tuzashaka ubutaka tukubaka inzu; urumva ko na byo bizatanga akazi ku Banyarwanda; ikindi ubwo bizaba bivuze ko ibikorwa byinshi bizajya bibera mu Rwanda; kandi nibidukundira na Afurika yose ishobora kuzasaba icyicaro gikuru kikaza hano mu Rwanda, urumva ko bizadufasha. Dr. Frank Habineza kandi yavuze ko ku ruhande rw ishyaka rya DGPR bizafasha abarwanashyaka kujya babona amahugurwa menshi azabafasha kunguka byinshi, ikindi ishyaka rigire imikoranire ya hafi n ihuriro nyunguranabitekerezo ry imitwe ya Politiki yemewe mu Rwanda; ibyo yise ko amata azaba abyaye amavuta . Umuyobozi wa Green Party ya Somalia akanaba umudepite mu Nteko Ishinga Amategeko y iki gihugu ndetse n Umunyamabanga wa Leta muri Minisiteri ishinzwe imirimo rusange watanze, Hon. Said Mohamed Mohamuud Haid, ni we watanze igitekerezo cy uko kiriya cyicaro gikuru cyaza i Kigali. Uyu yabwiye itangazamakuru ko kiriya cyifuzo yagitewe n uko kuza i Kigali ari inzozi za buri wese. Mohammud kandi yashimye iterambere u Rwanda rumaze kugeraho, anashimangira ko amashyaka arukoreramo akomeje kwereka isi ko mu Rwanda hamaze guterwa intambwe ikomeye muri demukarasi. EAGF igiye kuzana icyicaro cyayo mu Rwanda yashinzwe muri 2013, ikaba yarashingiwe i Kigali mu Rwanda. Hon. Said Mohamed Mohamuud Haid ni we watanze icyifuzo cy uko icyicaro gikuru cya EAGF cyazanwa mu Rwanda Dr. Habineza yagaragaje ko kuba icyicaro gikuru cya EAGF kigiye kuza mu Rwanda bifite inyungu ku gihugu

mardi 22 juillet 2025

Ishyaka Riharanira Demukarasi no Kurengera Ibidukikije mu Rwanda, ryihaye intego y uko nyuma y amatora y Umukuru w Igihugu yo muri 2029 rizakora ibishoboka byose rikinjira mu nzego zose, zirimo na Guverinoma. Ryabitangaje mu mpera z icyumweru gishize, ubwo mu karere ka Musanze haberaga inama y Inteko Rusange ya ririya shyaka ku rwego rw Intara y Amajyaruguru. Ni inama kandi yasize Green Party itoye inzego z ishyaka, zirimo Komite yaryo ku rwego rw Intara, Komite y Abagore, urubyiruko ndetse no kuzuza inzego zaryo ku rwego rw uturere. Umuyobozi w iri shyaka, Dr. Frank Habineza, yabwiye itangazamakuru ko muri gahunda bafite ari uko amatora yo muri 2029 yazagera Green Party ifite Komite kugera ku rwego rw akagari. Yagize ati: Turashaka kubaka ishyaka rikomeye, turifuza ko amatora ataha yo muri 2029 yazagera dufite inzego ku murenge, ku kagari; hose ku buryo twavuga ko dukeneye abantu baduhagararira mu matora nta kintu cyatubuza. Dr. Frank Habineza yunzemo ko mu byo bagiye gushyiramo imbaraga mbere y uko amatora aba harimo gukangurira Abanyarwanda kwinjira muri Green Party ariko banabasaba gutanga umusanzu mu kurengera ibidukikije. Yavuze kandi ko banashyize imbere kujya mu nzego z’ubuyobozi. Ati: “Intego dufite ni ukujya mu nzego z’ubuyobozi zitandukanye tukaba intangarugero muri demokarasi no guteza imbere imibereho myiza y’abaturage. Ikindi, turifuza gushyira imbaraga mu gukemura ibibazo bikibangamiye igihugu n’isi.” Yakomeje agira ati: “Ni ukuvuga ko, yaba mu kurengera ibidukikije cyangwa mu bindi bibazo, tugomba kugira uruhare mu kubikemura. Turateganya kandi guteza imbere umuco mwiza, ubumwe n’ubwiyunge, guharanira politiki y’amahoro no gukemura amakimbirane, kugira ngo tuzabashe kubahagararira neza mu nzego zitandukanye.” Ndayambaje Ibrahim, watorewe kuyobora Green Party mu Ntara y’Amajyaruguru, yavuze ko mu byo ateganya gukora harimo kwegera abaturage kugira ngo babashe kumenya ibyiza bya ririya shyaka. Ati: Imbaraga zacu tugiye kuzigaragariza mu bikorwa no kwegera abaturage tubamenyesha ibyiza by’ishyaka. Turiteguye kandi dufite imbaraga, abenshi muri twe ni urubyiruko, bivuze ko amagambo azaba make ibikorwa bikivugira.” Ingabire Julienne watorewe kuba Visi Perezida wa Green Party ku rwego rw’Intara we yagize ati: Ngiye gushyira imbaraga mu kuvugira abagore no kubigisha gukora imishinga yunguka. Inyungu n ubwo yaba nto, izatuma bagira ishyaka ryo kwiteza imbere kuko turashoboye. Green Party irateganya kwinjira muri Guverinoma, nyuma yo kwinjira mu Nteko Ishinga Amategeko aho ifite abadepite babiri ndetse n umusenateri.

mardi 22 juillet 2025

Abarwanashyaka ba #DGPR #GreenParty bahuguwe ku gikorwa cy amatora na V P ku rwego rw igihugu mu nzego z abagore, Madame Wibabara Joan. Komiseri ushinzwe ububanyi n’amahanga,Mukamurigo Josiane, yatanze ikiganiro kigaruka ku isura y’ishyaka no kwibutsa ko gukorera igihugu ari ingenzi,kandi ko #DGPR bakwiye kugaragaza ibitekerezo byabo kuri Social media mu buryo bwiza bagaragaza isura nziza y’igihugu n’iyi shyaka. Komiseri Ndamukunda Peter , mu gutanga ikiganiro cyibanze ku buhinzi n’ubworozi, yabwiye abarwanashaka ko bazamura imibereho yabo bakoze ubuhinzi bw’umwuga kandi bifashije ifumbire y’imborera bityo bikaba byabafasha kwikura mu bukene. Komiseri Mwiseneza JMV, yatanze ikiganiro kigaruka ku mavu n’amavuko, amahame n’imikorere biranga ishyaka #DGPR #GreenParty. Yanagarutse ku mahame ya demokarasi no kongera bimwe mu bikorwa byagezweho habayeho ubuvugizi bwa DGPR mu gukomeza iterambere n’imibereho myiza y abaturage. Perezida w’ishyaka #DGPR #GreenParty, Hon Frank Habineza , amaze gutangiza amatora. Mu ijambo yashimiye abarwanashyaka kubwo kwitabira Congress y’ishyaka , abasaba kugumya guhanira indangagaciro no kugira uruhare mu kwimakaza ihame rya demokarasi.

mercredi 2 juillet 2025

Umuyobozi w Ishyaka Riharanira Demokarasi no Kurengera Ibidukikije mu Rwanda (DGPR), Dr. Habineza, yatangaje ko byaba byiza abagize imitwe yitwaje intwaro ikorera muri Repubulika Iharanira Demokarasi ya Congo bashyirwa mu ngabo no muri Guverinoma ya Congo. Dr. Habineza yabigarutseho ubwo yakomozaga ku masezerano y amahoro u Rwanda na RDC basinyira i Washington muri Amerika, kuri uyu wa Gatanu tariki ya 27 Kamena 2025. Uyu munyapolitiki ubwo yari mu karere ka Karongi aho ishyaka abereye umuyobozi ryari ryakomereje inama ikomatanyije n amahugurwa rimaze iminsi rikorera hirya no hino mu gihugu, yavuze ko ariya masezerano ayitezeho gutanga umuti ku bibazo byugarije akarere k ibiyaga bigari. Ati: Aya masezerano twese tuyahanze amaso, kuko turi kwizera ko ari butange igisubizo ku bibazo byugarije kano karere, na cyane ko mu mbanzirizamushinga wayo twabonye ko azaba arimo ibikorwa byo guteza imbere u Rwanda ndetse na Congo, aho bavugaga ko amabuye y agaciro acukurwa muri Congo azajya aza gutunganyirizwa mu Rwanda; ku buryo Congo yagiramo inyungu ariko n u Rwanda rukagira inyungu . Ni ibintu tubona bizagirira akamaro kano karere kacu no gufasha gukemura ayo makimbirane, ariko n abifuza ayo mabuye y agaciro baciye mu mirwano barekere aho, kuko bazaba bashobora kuyabona mu buryo bwiza kuko azaba atunganyirizwa mu Rwanda. Njye mbona ari amasezerano ashobora gufasha ibihugu byombi kugira icyo byunguka. Dr. Habineza yavuze ko bibaye byiza ariya masezerano yafasha n imitwe yitwaje intwaro ikorera muri RDC kuzishyira (intwaro) hasi, abayigize bagashyirwa mu nzego z umutekano z iki gihugu ndetse no muri Guverinoma yacyo. Ati: Twabonyemo ingingo ivuga y uko bazafasha iriya mitwe yitwaje intwaro kuba yashobora kujya mu ngabo z igihugu za leta ya Congo. Turifuza ko ibyo bintu bishyirwa mu bikorwa kuko ntabwo ari ubwa mbere bivuzwe, byigeze kuvugwa ariko ntibyashyirwa mu bikorwa. Turifuza ko aya masezerano ari businywe mu masaha ari imbere icyo kintu nikimara gusinywa gishyirwe mu bikorwa, Amerika kandi ntizagarukire mu gusinyisha amasezerano ahubwo izaze kubikurikirana barebe ko abantu bari muri iyi mitwe yitwaje intwaro bazashyirwa muri Guverinoma ya Congo. Bashyirwe mu nzego za gisirikare, iz umutekano n iza Guverinoma; kuko igihugu ni icyabo, bose bafatanye kuyobora igihugu cyabo. Dr. Frank Habineza kandi yasabye ko ikibazo cy Abanye-Congo bavuga Ikinyarwanda bamaze igihe bahohoterwa na cyo cyakemurwa burundu, kugira ngo bemerwe ndetse banabone uburenganzira bwo kuba mu gihugu cyabo. Saa moya z i Kigali ni bwo Minisitiri w Ububanyi n Amahanga, Amb. Olivier Nduhungirehe na mugenzi we Therese Wagner Kayikwamba wa RDC bashyira umukono kuri ariya masezerano y amahoro, mu muhango uri buyoborwe n Umunyamabanga wa Leta Zunze Ubumwe za Amerika ushinzwe Ububanyi n Amahanga, Marco Rubio. Nyuma aba bakuru ba dipolomasi barakirwa muri White House na Perezida Donald Trump.

mercredi 2 juillet 2025

Abarwanashyaka b’Ishyaka Riharanira Demokarasi no Kurengera Ibidukikije mu Rwanda (DGPR) bavuga ko biyemeje guharanira icyateze imbere umunyarwanda na sosiyete muri rusange. Ibi babitangaje mu nama ya Biro Politiki y’iri shyaka yateraniye mu karere ka Karongi ku wa Gatanu, tariki ya 27 Kamena 2025. Muri iyi nama abagize iri shyaka bahawe amahugurwa ku ngengabitekerezo y’ishyaka, demokarasi, kurengera ibidukikije no ndetse bibutswa amahame agenga ishyaka. Muri iyi nama hanakozwe n’amatora yo kuzuza inzego z’ishyaka. Habanabakize Jean ni umwe mu barwanashyaka ba GreenParty akaba n’umwe batowe mu nzego z’ubuyobozi. Uyu avuga ko amahugurwa bahawe arushijeho kubakangura mu kwihangira imirimo ndetse bagiye kurushaho kugira uruhare mu iterambere ry’igihugu . Ati “Twungutsemo ko ahantu hatagenze neza, nk’abayobozi tugiye kuyoborana ,tugiye gushaka ukuntu twavugurura aho byagenze nabi, tukajya twiteza imbere, abantu ba Greenparty bakajya babona ko hari icyo twagezeho.” Irasubiza Kevine ni urubyiruko rubarizwa muri iri shyaka . Uyu nawe ashimangira ko nk’urubyiruko bagiye kubyaza umusaruro amahirwe igihugu cyabahaye kandi baharanira iterambere ry’igihugu na sosiyete batuyemo. Ati “Nkurikije ibyo twize uyu munsi nk’urubyiruko, hari ukuntu tudakunda gukura amaboko mu mufuka ngo dukore,ariko ikintu nungutsemo muri iyi nama, twungutse ko ushobora kwihangira imirimo, ugakora umushinga w’ubworozi,cyangwa abaturiye abaterasi bakaba bagira uburyo bahinga bibateza imbere. Icyo dukuyemo ni uko dushobora kuba twakwihangira imirimo, tugakoresha amahirwe ahari kandi mu gishoro gicye.” Umwari Christine nawe yagize ati “Tugiye kongera imbaraga mu kwihangira imirimo, dukora ubucuruzi ku buryo twabona amafaranga tukiteza imbere.” Avuga ko amahugurwa bahawe yabakanguye mu gukora imishinga mito ibyara inyungu ku buryo imibereho yabo ihinduka. Perezida wa DGPR, Dr Frank Habineza, asaba abagize ishyaka gushyira mu bikorwa amahugurwa bahawe, baharanira guteza imbere igihugu. Ati “ Turifuza yuko abarwanashyaka ba GreenParty ibyo bize babishyira mu bikorwa, aho batuye niba twigisha ibijyanye no kurwanya amakimbirane, dukoresheje politiki y’ inzira y’amahoro, iyo nzira y’amahoro ikaba yakoreshwa no mu muryango , aho dutuye atari ukuvuga ngo ni ku rwego rw’Igihugu gusa.” Yakomeje ati “Niba ari ugutera ibiti,twe muri Greenparty tuvuga ngo ugatema kimwe, ugatera 10,niyo mvugo yacu.Tuba dushaka ngo tubishigishe niba wangije ibidukikije, ugatema igiti kimwe, utere byinshi [ibyo 10] kugira ngo bizagirire twebwe akamaro ariko n’abazadukomokaho. Turifuza yuko icyo kintu kizafatwa na leta ni cyo cyifuzo cyacu.” Avuga ko bafite intego zo gukomeza kwigisha ingengabitekerezo y’ishyaka ku buryo icengera mu barigize. Bahawe amahugurwa yatuma barushaho kwiteza imbere Kevine avuga ko nk’urubyiruko bagiye gukura amaboko mu mufuka bagakora Perezida wa DGPR, Dr Frank Habineza, asaba abagize ishyaka gushyira mu bikorwa amahugurwa bahawe