GUHAGARIKA MU NSHINGANO ABAKOMISERI BUNGIRIJE

Hashingiwe ku myitwarire mibi irimo agasuzuguro, gutuka ubuyobozi bukuru bw’Ishyaka, gusuzugura ibirango by’Ishyaka nka Kagoma, guteza amacakubiri mu barwanashyaka, kwanga kugirwa inama, gushyogozanya, gusarikana, kutubaha inzego z’Ishyaka no guteza umwiryane mu barwanashyaka, byakozwe na ba Komiseri bungirije aribo: Bwana Pascal Rugira na Bwana Olivier Bazambanza, kuva tariki ya 24-26 Kanama 2025, bandika ku rubuga rw’abayobozi rw’Ishyaka [Leadership Group];

 

Inama idasanzwe ya Komite Nyobozi Nshingwabikorwa y’Ishyaka DGPR-Green Party yateranye uyu munsi tariki 26/8/2025, yemeje ibi bikurikira:
1. Guhagarikwa mu nshingano nk’abakomiseri bungirije [Deputy Commissioners], Bwana Pascal Rugira na Bwana Olivier Bazambanza.

2. Guhagarika mu nshingano zo kuba Umuyobozi w’Ishyaka ku rwego rw’Akarere ka Nyamasheke, Bwana Pascal Rugira.

3. Guhagarikwa byagateganyo aba bombi kuba abarwanashaka ba DGPR-Green Party, ibi bikazemezwa burundu n’inama ya biro politiki.

Ibi byemezo bifashwe hashingiwe ku Ingingo ya 8 y’Itegeko Shingiro ry’Ishyaka Riharanira Demokarasi no Kurengera Ibidukikije mu Rwanda (DGPR-Green Party) ryo ku wa 13 Gicurasi 2023 ryatangajwe kumugaragaro mw’Igazeti ya Leta n° 09 Bis yo ku wa 26/02/2024.

Bikozwe n’ubuyobozi Bukuru bw’Ishyaka.

Hon.Dr.Frank HABINEZA
PEREZIDA W’ISHYAKA