February 2023

Monday, 20 February 2023

The President of the Democratic Green Party of Rwanda, Dr. Frank Habineza, who is also a Member of Parliament, has said that the imprisonment of some Rwandan journalists is one of the reasons why the Rwandan media landscape is not free. Dr. Frank Habineza said that he is ready to submit his candidacy in the next Presidential elections. During an interview with UMUSEKE, Dr. Habineza talked about what has been done in the party and what he thinks he would change when he is elected as the President of Rwanda. Habineza said that if he will be trusted, and his party gave him the right to be Presidential candidate, he will campaign for changes, which would make positive impacts to the lives of Rwandans. He said, “We will continue to put a lot of effort in ensuring that Rwanda becomes a full Democratic Country so that every Rwandan can have rights to express his/her opinions and press freedom.” He added that once he becomes a president.. he will make sure that he is putting the media in the agenda for it to work well without obstacles and for it to have the capacity, among others “We will work to get out of poverty, to reach a middle Income society where people are able to get jobs, protect the environment and make sure that we put effort into Security, and look beyond the African continent.” He said Freedom of the press… The recent Rwanda Media Barometer’ published in November 2021 states that freedom of the press is at 93%, that of expression at 86%, independence of the media at 87%, while 94% is a rate of access to information in Rwanda. However, the April 2021 World Press Freedom Index report on press freedom in 180 countries places Rwanda at 156, one of 130 countries that has no Media Freedom. This is why Dr. Frank Habineza finds that there is a need to strengthen the freedom of the media. For Dr. Habineza, the media in Rwanda is struggling to survive which is also one of the reasons why it is not free. He said “One cannot be free if he has no resources. When a person is poor he/she can’t also find the freedoms because Freedom and ability go hands in hands.” “Someone may tell you that you have the right to eat well, but not the ability to buy food. The media may have the right to work, but they don’t have the means to work.” He said Dr. Frank Habineza, in addition to pointing out that there is a lack of financial means in the media, he also found that journalists are afraid to exercise their journalism rights because some have been imprisoned. He said, “There is still an element of fear, you see journalists who are afraid to express their opinions clearly. It depends on the environment we came from or have been in for a while. There are some who look at history and say that there are journalists who have been imprisoned, … all this creates a bad atmosphere, these actions that exist make others afraid.” He said. Dr Frank Habineza finds that there is a need for political will to prevent the media from being “under attack”. Source: Dr. Habineza finds Media Freedom in Rwanda at Critical stage TOP AFRICA NEWS

Monday, 20 February 2023

Umuyobozi w’Ishyaka rihanira Demokarasi no kurengera ibidukikije, Democratic Green Party of Rwanda, Dr Frank Habineza, akaba na Depite mu Nteko ishinga Amategeko, yavuze ko ifungwa rya bamwe mu banyamakuru bo mu Rwanda ari bimwe mu bituma itangazamakuru ritisanzura. Ibi Dr Frank Habineza yabigarutseho mu kiganiro cyihariye yagiranye na UMUSEKE, agaruka ku bimaze gukorwa mu ishyaka ndetse n’ibyo atekereza yahindura mu gihe yaba Umukuru w’Igihugu. Habineza yavuze ko mu gihe yagirirwa icyizere, ishyaka rye rikamutangaho umukandida, akaba umukuru w’Igihugu, abona hari ibyahinduka, bigahindura ubuzima bw’Abanyarwanda. Yagize ati “Tuzakomeza dushyire imbaraga nyinshi cyane mu guharanira ko igihugu cy’u Rwanda kigira demokarasi isesuye, kugira ngo buri Munyarwanda wese agire uruhare, yishyira akizana mu gutanga ibitekerezo, itangazamakuru rikora neza nta nkomyi, rifite n’ubushobozi, urubyiruko rw’igihugu turuteze imbere, turebe ko ya gahunda yo kuva mu bukene, tukagera muri sosiyete yo hagati (economie moyenne) yihutishwa, abantu tukabashakira imirimo, kurengera ibidukikije tukareba ko dushyiramo imbaraga,… Umutekano, tukareba no hakurya y’umugabane wa Afurika.” Ubwisanzure bw’itangazamakuru… Raporo y’Urwego rw’Igihugu rw’Imiyoborere, RGB ‘Rwanda Media Barometer’ yatangajwe mu Ugushyingo 2021 ivuga ko ubwisanzure bw’itangazamakuru buri kuri 93%, ubwo gutanga ibitekerezo kuri 86%, ubwigenge ku murongo w’amakuru kuri 87%, naho uburenganzira bwo kugera ku makuru kuri 94%. Icyakora Raporo yo mu kwezi kwa Mata 2021 ya World Press Freedom Index ku bwisanzure bw’itangazamakuru mu bihugu 180 ishyira u Rwanda ku mwanya wa 156, kimwe mu bihugu 130 ivuga ko itangazamakuru ‘rinizwe’. Ibi nibyo umudepite mu Nteko Ishinganategeko y’u Rwanda, Dr Frank Habineza asanga hakenewe imbaraga mu guha ubwisanzure busesuye itangazamakuru. Agaruka ku buryo itangazamakuru ryo mu Rwanda rinizwe, yagize ati “Ikibazo cy’amikoro cyiracyakomeye cyane kandi iyo umuntu adafite amikoro n’ubwisanzure buragabanuka. Umuntu ashobora kukubwira ngo ufite uburenganzira bwo kurya neza, ariko udafite uburenganzira bwo kubigura. Itangazamakuru rishobora kuba rifite uburenganzira bwo gukora, ariko ridafite uburyo bwo gukora.” Dr Frank Habineza usibye kuba agaragaza ko mu itangazamakuru habura amikoro, asanga n’Abanyamakuru batinya gutangaza amakuru kubera ko hari bamwe bagiye bafungwa. Ati “Haracyari ikintu cyo gutinya, ubona abanyamakuru batinya gutanga ibitekerezo byabo neza. Biterwa n’imiterere y’ibihe (environment) twavuyemo cyangwa tumaze iminsi turimo. Hari bamwe barebera ku mateka bati hari abanyamakuru bafunzwe,… ibyo byose bitanga umwuka mubi, ibyo bikorwa biba bihari bitera abandi kwitinya.” Dr Frank Habineza asanga hakenewe ubushake bwa Politiki mu gutuma itangazamakuru ridakomeza “Kwibasirwa”. Guhuza amatora y’Abadepite n’aya Perezida …. Komisiyo y’Igihugu y’Amatora iherutse kugaragaza icyifuzo cy’uko amatora ya Perezida wa Repubulika n’ay’Abadepite yahuzwa, akazajya abera rimwe buri myaka itanu. Perezida mushya w’iyi komisiyo, Odda Gasinzigwa yavuze ko iki cyifuzo kiramutse cyakiriwe, cyatuma uhereye ku matora y’abadepite ateganyijwe uyu mwaka, yazabera rimwe n’aya Perezida mu 2024. Yagaragaje ko amatora y’abadepite ahujwe n’aya Perezida byatuma igihugu kizigama miliyari 7Frw. Komisiyo y’Igihugu y’amatora, NEC itangaza ko ubariyemo amatora y’abadepite n’aya Perezida usanga atwara ingengo y’imari isaga miliyari 14Frw. Umuyobozi w’Ishyaka rihanira Demokarasi no kurengera ibidukikije Green Party, yavuze ko icyifuzo cyo kuba amatora yahuzwa byabafasha mu ishyaka. Yagize ati “Twebwe nk’ishyaka tubona amatora abereye icyarimwe byadufasha kwiyamamaza neza. Kuko naravunitse cyane mu mwaka wa 2017 na 2018, bisaba amafaranga, bisaba ibintu byinshi kugira ngo umuntu ajye muri campaign (ibikorwa byo kwamamaza), bibaye icyarimwe byaba ari byiza.” Icyakora avuga ko mu gihe byakwemezwa ko amatora y’abadepite ahuzwa n’aya Perezida, habaho kongera iminsi yo kwiyamamaza ku mukandida. Ati “Baramutse bemeje ko abera icyarimwe twasaba ko iminsi yakwiyongera. Ubushize twakoze iminsi 21, tugomba kuzenguruka Uturere 30. Icyo nasaba ni uko nibura yaba iminsi 30, nibura akarere kakagira umunsi wako.” Akomeza agira ati “Ikindi ni uko bakwemerera n’abanyamakuru gutangaza ibivuye mu ibarura ry’amajwi ku Karere, bakabitangaza uwo mwanya, badategereje ko biza gutangazwa ku rwego rw’Igihugu. Nibura hakaba hari itangazo rya komisiyo y’Igihugu y’amatora ku rwego rw’AKarere, bimwe muri ibyo.” Dr Frank Habibeza mu 2017 yiyamamaje mu mu matora ya Perezida wa Repubulika ntiyahirwa kuko yagize amajwi 0.48%. Icyakora mu 2018 yiyamamaje mu badepite, abona uwo mwanya, kuri ubu ni umwe mu bagize ishyaka Green Party, bari mu Nteko Ishinganategeko y’u Rwanda. Yatangaje ko mu gihe ishyaka rye ryamwemeza nk’umukandida mu matora y’umukuru w’Igihugu, yiteguye guhatana. Gusa aherutse kubwira Radio 10 ko uwamutsinze (Perezida Paul Kagame wa RPF-Inkotanyi), yavugaga ibikorwa yakoreye Abanyarwanda, naho we ababwira ibyo azabakorera, akemeza ko bizamusaba imbaraga nyinshi mu gihe yaba yongeye guhura na we mu matora, n’ubundi asobanura byimbitse imigabo n’imigambi bye. Source: Ubukene bunize Itangazamakuru ry’u Rwanda, Demokarasi … – IKIGANIRO na Dr. Habineza – Umuseke

Monday, 20 February 2023

Depite Frank Habineza wigeze kwiyamamariza ku mwanya wa Perezida wa Repubulika, agatsindirwa ku majwi ya 0,45%, avuga ko ntakizamubuza kwiyamamaza mu matora ataha kabone nubwo uwamutsinze na we ashobora kuziyamamaza. Ati “Uwantsinze ntaho yagiye ariko nanjye ntaho nagiye.” Perezida mushya wa Komisiyo y’Igihugu y’Amatora, Oda Gasinzigwa warahiriye izi nshingano muri iki cyumweru, yavuze ko hifuzwa ko amatora y’Umukuru w’Igihugu yajya abera rimwe n’ay’Abadepite mu rwego rwo kugabanya ingengo y’imari igenda kuri aya matora yombi. Ni mu gihe amatora y’Abadepite yari ateganyijwe muri uyu mwaka, naho ay’Umukuru w’Igihugu akaba yari ateganyijwe umwaka utaha, ku buryo aramutse ahujwe, aya yombi yabera rimwe. Guverinoma y’u Rwanda yavuze ko iki cyifuzo cya Komisiyo y’Igihugu y’Amatora, ari cyiza ndetse ko Guverinoma izagisuzuma ku buryo iramutse icyemeje yazagishyikiriza urwego rushinzwe kuvugurura Itegeko Nshinga, rukaba rwabikora kugira ngo gishyirwe mu bikorwa. Depite Frank Habineza uyobora Ishyaka Riharanira Demokarasi no Kurengera Ibidukikije, na we avuga ko iki cyifuzo ari cyiza dore ko we aya matora yombi yayitabiriye kandi ko byamusabye ubushobozi buhanitse, bityo ko aramutse ahujwe hari byinshi byagabanya. Yabitangaje mu kiganiro yagiranye na Radio 10 mu gitondo cyo kuri uyu wa Gatanu tariki 17 Gashyantare 2023, aho Umunyamakuru yamwibukije ko “ubushize wakamye ay’iburyo byanze ukama ay’ibumoso. Wiyamamaje mu ya Perezida wa Repubulika ntibyaguhira, hanyuma wiyamamariza mu Badepite, ho birakunda, none ko bigiye kujya bibera rimwe, nushya [nutsindwa] uzajya uba uhiye hose.” Dr Frank Habineza avuga ko nubwo ishyaka rye ritaramuhitamo nk’uzarihagararira mu matora ya Perezida wa Repubulika, ariko ko yiteguye kuba yaba umukandida. Avuga ko aya matora naramuka ahujwe, ku giti cye azagira amahitamo yo kwiyamamaza hamwe ariko ko ishyaka rye rishobora kuziyamamaza mu matora yombi kuko ku mwanya wa Perezida hiyamamaza umuntu ku giti cye ariko ahagarariye ishyaka, mu gihe mu matora y’Abadepite hiyamamaza ishyaka. Hon. Frank Habineza avuga ko akurikije uko itegeko ryo mu Rwanda rimeze, bitakunda ko we yiyamamariza ku myanya ibiri bityo ko azahitamo hamwe. Uyu munyapolitiki avuga ko kuri we ubu yiteguye kongera kuziyamamariza ku mwanya wa Perezida wa Repubulika, nubwo yagize amajwi ngerere. Umunyamakuru yamubajije impamvu ahitamo kuziyamamariza kuri uyu mwanya kandi “amahirwe yawe aba ari hasi?”, ahita amusubiza vuba na bwangu ati “Ni inde ukubwiye ko ari hasi?” Umunyamakuru akomeza amubwira ko uwamutsinze agihari ndetse ko ashobora kuzongera kwiyamamaza, ati “uwagutsinze ntaho yagiye.” Dr Habineza asubiza agira ati “Ntaho yagiye ariko nanjye ntaho nagiye.” Dr Habineza akomeza avuga ko umukandida wamutsinze ubushize, yamutsindishije ibikorwa yari yaragejeje ku Banyarwanda. Avuga ko ubu we azasobanurira abaturage ko bagomba guha agaciro imigabo n’imigambi aho kwita ku byakozwe. Ati “Manifesto tuzongera tuyidode, tuyitegure neza cyane abaturage batugirire icyizere, tubereke viziyo tuzabagezaho.” Source: Habineza yemeje ko azongera agahatana na Perezida Kagame agaragaza ikizatuma noneho atsinda – RADIOTV10