Avril 2024

vendredi 26 avril 2024

Rwanda at risk of becoming another Zimbabwe Host of UN environment event accused of clamping down on its Green party Read More

vendredi 26 avril 2024

CHOGM, human rights and the Commonwealth

vendredi 26 avril 2024

Rwanda at risk of becoming another Zimbabwe Read More Senior politician found hacked to death in Rwanda Read More Queues to vote in Kigali but change is not on ballot Read More Britain urged to use influence to get tough on Rwanda Read More

vendredi 26 avril 2024

CHOGM : is Rwanda becoming another Zimbabwe? Read More

mardi 2 avril 2024

Ishyaka riharanira Demokarasi no Kurengera Ibidukikije mu Rwanda (Democratic Green Party of Rwanda) ryamaze kubona abakandida 60 bazarihagararira mu matora y’Abadepite ateganyijwe muri Nyakanga 2024, abarwanashyaka baryo bavuga ko bazaharanira icyatuma ayo matora agenda neza. Ibyo byatangarijwe muri kongere y’iri shyaka mu Ntara y’Iburengerazuba yabereye mu Karere ka Karongi ku wa 29 Werurwe 2024. Iyi kongere yatorewemo abakandida 14 bo mu Ntara y’Iburengerazuba bazahagarira iri shyaka mu matora y’Abadepite, baje biyongera kuri bagenzi babo 46 batowe mu zindi Ntara n’Umujyi wa Kigali bose hamwe baba 60. Aba bakandida uko ari 60 bagizwe n’abagabo 30 n’abagore 30 mu rwego rwo kubahiriza ihame ry’uburinganire n’ubwuzuzanye. Umuyobozi Mukuru wa DGPR, Dr Frank Habineza, yavuze ko aba bakandida uko ari 60 bazemezwa burundu muri kongere nkuru y’ishyaka iteganyijwe tariki 15 Gicurasi 2024. Ati Bose bazaba bamaze kuzuza ibyangombwa byose bikenewe nk’abakandida. Abarwanashyaka icyo tubasaba ni ukwitegura neza amatora, bagashaka imisanzu yo gushyigikira ishyaka kugira ngo amatora azagende neza . Urugendo rwo gushaka abakandida-depite rwari rubangikanye no gukusanya ibitekerezo abarwanashyaka bifuza ko byashyirwa muri manifesito ishyaka rizagenderaho mu kwiyamamaza mu matora ya Perezida wa Repubulika n’amatora y’abadepite. Ntihanawuwayo Moderate, uhagarariye iri shyaka mu Ntara y’Iburengerazuba yabwiye IGIHE ko amatora ya Perezida wa Repubulika n’amatora y’abadepite bayiteguye neza cyane. Ati Icyo tuzibandaho cyane ni ugusubiza ibibazo bibangamiye Abanyarwanda no kubavugira imisoro ikagabanuka. Mu buhinzi twifuza ko umuhinzi yakwemererwa guhinga igihingwa yihitiyemo, ikindi dushaka ni uguteza imbere gahunda yo kugaburira abana ku mashuri hongerwa ubwiza n’ubwinshi bw’amafunguro ahabwa abanyeshuri . Bazambanza Olivier, uhagarariye DGPR mu Karere ka Karongi yavuze ko muri aya matora bazubahiriza amategeko bakanirinda umuvundo n’akavuyo kugira ngo agende neza. Ati Mu bibazo bihangayikishije muri Karongi twifuza ko manifesto ya DGPR-Green Party ikanishakira ibisubizo harimo ubuke bw’ibikorwaremezo, igwingira ry’abana, ikibazo cy’amarobine yubakwa ariko adakoreshwa . Iri shyaka rivuga ko mu byo bakoreye ubuvugizi nyuma yo kubona imyanya mu Nteko Ishinga Amategeko harimo ibyasubijwe rigatanga urugero rw’umusoro w’ubutaka wavuye kuri 300 Frw kuri metero kare ugera kuri 80Frw, gahunda yo kugaburira abana bose ku ishuri ko aribo basabye ko ishyirwaho, ndetse banasabye ko hajyaho ba noteri bigenga mbereyaho. Ikindi ngo kuba umushahara wa mwarimu wariyongere byaturutse ku buvugizi bagiye bakora. Rikavuga ko mu byo bagiye gukomeza gukorera ubuvugizi harimo gusaba ko hashyirwaho umushahara fatizo. Dr Frank Habineza avuga ko mu byo bakoreye ubuvugizi hari ibyakemutseMu bakandida-depite 60 ba DGPR harimo abagore 30 Source: Green Party yabonye abakandida 60 bazayihagararira mu matora y abadepite | IGIHE

mardi 2 avril 2024

Mu ntara y’Iburengerazuba, akarere ka Karongi, none tariki 29 Werurwe 2024, Abarwanashyaka ba Democratic Green Party of Rwanda (DGPR), batoye abakandida depite 14 baturuka bava mu turere 7 tugize iyi ntara bazabahagararira muri uyu mwaka wa 2024. Abarwanashyaka batoye abazabahagararira mu matora y’abadepite baturuka mu turere tugize iyi ntara : Rutsiro : Dushimimana Mediatrice na Ntakirutimana Jackson. Nyabihu: Ntihanuwayo Modeste na Uwineza Germaine. Ngororero: Masengesho Louis na Uzayisenga Adelphine. Karongi : Bazambanza Olivier na Umwari Christine. Rubavu: Sibomana Hussein na Akingeneye Alice. Nyamasheke : Rugira Pascal na Dusabirema Olivie. Rusizi: Uwamahoro Maombe na Akimana Jean Paul. Nyuma yo gutanga ibitekerezo bitandukanye mu ntara 4 zigize igihugu , byitezwe ko bizanozwa burundu muri congress izaba ku rwego rw’igihugu mu kwezi kwa Gatanu 2024, ari nayo izememerezwamo burundu abakandida bazahagararira DGPR. Source: Karongi: Abazahagararira DGPR mu ntara y’Iburengerazuba bamenyekanye -AMAFOTO Frank Habineza

mardi 2 avril 2024

Perezida w’ishyaka rya Democratic Green Party of Rwanda, Hon Dr Frank Habineza yashimangiye ko we n’Ishyaka badatewe impungenge n’amashyaka akomeje kwishyira hamwe n’umuryango wa FPR-Inkotanyi mu matora ateganijwe uyu mwaka agaragaza ko nubwo babarusha ubushobozi nabo bakize ku bitekerezo. Ibi yabitangaje kuri uyu wa gatanu tariki 29 Werurwe, 2024, muri Kongere yahuje abayobozi b’iri Shyaka n’abayoboke baryo mu Ntara y’Uburengerazuba. Ni nayo Kongere ya nyuma mu gutegura Manifesto bazajyana mu matora no guhitamo abakandida bazahagararira iri shyaka mu matora y’abadepite ateganijwe mu kwezi kwa Karindwi uyu mwaka. Hon Dr Habineza Frank yavuze ko badatewe impungenge ku kuba hari amashyaka yiyemeje gushyigikira FPR mu matora, agaragaza ko nubwo babarusha ubushobozi nabo bakize ku bitekerezo byiza. Yagize ati “Twe ntabwo dutewe impungenge n’Amashyaka ari kwifatanya na FPR-Inkotanyi, twitabiriye amatora ya 2017, muri 2018 twari mu matora, twihagazeho kuba bari kwishyira hamwe n’umuryango nta gitangaza kirimo, baturusha ubushobozi mu mafaranga ariko natwe dukize ku bitekerezo kandi turi mu mwanya mwiza wo gukomeza kubitanga kandi bigashyirwa mu bikorwa.” [Bimwe mu byo yagaragaje ko byagezweho biturutse ku bitekerezo batanze harimo kuba barakoze ubuvugizi kuri Mutuweli, aho umuntu yishyuraga imisanzu agategereza ukwezi kugira ngo yivuze ariko ubu bikaba byarakemutse aho umutu yishyura agahita yivuza. Hon. Dr. Frank Habineza avuga ko mu gihe yiyamamarizaga mwanya w’umukuru igihugu mu matora yavugaga ko natorwa azagaburira abana ku mashuri, ibintu leta yitegereje igasanga ko koko ari igitekerezo cyiza none kuri ubu abana bakaba bafatira amafunguro ku ishuri. Green Party igaragaza kandi ko yakoze ubuvugizi ku bakozi ba leta bahembwaga umushahara muto barimo abaganga, abarimu, abapolisi n’abasilikare , byinshi bikaba byakozwe hakaba hasigaye abaganga n abarimu ba Kaminuza, ko izakomeza ubuvugizi kugira ngo bazongererwe imishahara. Mubindi bavuga bazanye bigahindura ubuzima bw abaturage nkuko bivugwa na Hon Dr Habineza harimo kuba umusoro ku butaka wavuye ku mafaranga 300 kuri metero kare ukaba ugeze ku mafaranga 80, asobanura ko yari yatanze umushinga w itegeko mu Nteko woguhindura iryo tegeko ukava kuri 300 Frw ukagera ku mafaranga 100. Iri Shyaka kandi ryazanye igitekerezo kubijyanye no kubona icyangomwa cy abaurundu cyubutaka, gusa Leta izakwemera kwongera imyaka y ubukode bw ubutaka buravugururwa biva kumyaka 20 bikagera kuri 99 ishobora kwongerwa, ndetse na burundu ikaba irimo mw itegeko. Yanagaragaje ko aribo bazanye igitekerezo cyo kwemererwa ba Noteri biginga. Mu nteko rusange y’abarwanashyaka ba DGPR hatorewemo abazavamo abahagararira iri shyaka mu ntara y uburengeerazuba matora y’Abadepite harimo abagabo 7 n’abagore 7. Ubu abakandida baturuka mu turere twose bamaze kuba 60, harimo abagore 30 n abagabo 30. ] Ni mu gihe ku rundi ruhande Hon Dr Frank Habineza aziyamamariza umwanya w’umukuru w’igihugu mu matora ateganyijwe muri uyu mwaka wa 2024 aho ndetse yasabye abarwanashyaka kuzarangwa n’imyitwarire myiza mu matora ya Nyakanga. Abarwanashyaka ba Green Party biteguye intsinzi mu matoraSource EDITED: Nta bwoba dutewe no guhangana n’amashyaka yihuje na FPR- Dr Habineza – Umuseke