Rubavu: Abarwanashyaka ba DGPR bahuguwe

Kuri uyu wa 13 Ugushyingo 2026, mu Karere ka Rubavu habereye inama n’amahugurwa yahuje abarwanashyaka b’Ishyaka Riharanira Demokarasi no Kurengera Ibidukikije (Green Party).

Komiseri ushinzwe ubukangurambaga n’amatora, Ntihanabayo Modeste, yasabye abarwanashyaka kurangwa n’indangagaciro z’umuco nyarwanda, zirimo gukunda igihugu, kugikorera no gushyira imbere inyungu zacyo.

Yashimangiye ko buri wese akwiye kugira uruhare mu kubaka igihugu, arangwa n'ubwitange mu bikorwa biteza imbere umuryango nyarwanda.

Nkurunziza Damien, Komiseri ushinzwe imiyoborere muri Green Party, na we mu kiganiro yatanze yasabye abarwanashyaka gushyira imbere ubumwe .

Yashimangiye ko ubumwe ari inkingi ikomeye y’iterambere ry’igihugu, bityo buri wese akwiye kubugira inshingano .